De Barcamp fir d’Erwuessenebildung
21, boulevard de la Foire
L-1528 Luxembourg
GLOBAL VUE
Wëllkomm um EduCamp!
Den EduCamp, de Barcamp fir all d’Acteuren aus der Erwuessenebildung, baséiert um Prinzip vun enger On-Konferenz, mat partizipativen Atelieren ronderëm d’Theema Erwuessenebildung.
Huelt un dësem innovativen Evenement deel, deen Iech d’Méiglechkeet bitt, d’Zukunft vun der Erwuessenebildung zu Lëtzebuerg matzegestalten.
Mir freeën eis drop, Iech ze empfänken.
AN E PUER WIERDER
Wat ass e Barcamp?
De Barcamp ass keng Konferenz, mee eng On-Konferenz, déi sech duerch eng oppen a spontan Struktur auszeechent. Ënnert der Form vu partizipative Workshops, bei deenen den Inhalt vu Sessiounen zesumme geplangt gëtt, ginn d’Participantë selwer zu de Formateuren.
Dësen Evenement bitt eng eenzegaarteg Plattform, fir déi bescht Praktiken auszetauschen, nei Léiermethoden ze entdecken, berufflech Netzwierker opzebauen a villes méi.
D’VIRDEELER
Firwat EduCamp?
Den EduCamp ass eng dynamesch Initiativ, d’Fachleit aus dem Beräich vun der Erwuessenebildung zesummenzebréngen, fir zesummen d’Erausfuerderungen, d’Chancen an d’Innovatiounen an dësem entscheedende Secteur ze erfuerschen.
Duerch en oppent a kollaboratiivt Ëmfeld encouragéiert den EduCamp déi aktiv Participatioun vu jidderengem an erméiglecht esou en authenteschen Austausch vun Iddien, Praktiken an Erfarungen. Den EduCamp ass méi ewéi nëmmen eng Formatioun: Et ass eng Communautéit, déi sech fir d’Transformatioun vun der Erwuessenebildung asetzt, mat dem gemeinsamen Zil: D’Kompetenzen, d’Wëssen an d’Perspektive vun den erwuessene Schüler:innen ze verbesseren.
ZILPUBLIKUM
U wie riicht sech d’Formatioun?
Den EduCamp riicht sech un e villsäitege Publikum:
- All d’Acteure vun der Erwuessenebildung, d’Enseignanten an och un dat administratiivt Personal
- All déi, déi sech mam Theema Erwuessenebildung beschäftegen an/oder sech dofir interesséieren.
D’ORGANISATIOUN
Den Oflaf vum Evenement
Am Géigesaz vun enger konventioneller Konferenz, mat engem strikten Agenda vun den Intervenanten, zeechnen sech d’Barcampen duerch en oppent an demokratescht Format aus, dat Diskussiounen, Presentatiounen an e Wëssensaustausch op enger informeller Aart a Weis fuerdert. Jidderee gëtt encouragéiert, Sujete virzestellen oder Diskussiounen ze lancéieren, fir esou eng kollaborativ Ëmgéigend ze schafen, zu där jidderee bäidroen a vun där jidderee léiere kann.
Den EduCamp fänkt mat enger kuerzer Introduktioun vum Moderater Luc Schmitz, Sous-Direkter vum Institut national des langues Luxembourg, un, wou den Oflaf vum EduCamp an d’Organisatioun vun de Sessiounen erkläert gëtt.
D’Acteure schloe Sujete fir eng Sessioun vir, déi dann e Sall an en Horaire zougedeelt kréien.
D’Sessioune fanne parallel statt an et ass jidderee fräi, un deene Sessiounen deelzehuelen, déi en interesséieren. Et kann een och all Moment vun enger Sessioun an eng aner goen. Bei all Sessioun gëtt e Rapport geschriwwen, deen duerno fir all Participant accessibel ass.
Den EduCamp gëtt mat engem Debriefing, wou d’Erfarungen ausgetauscht kënne ginn, clôturéiert.
KOMPLETTE PLANNING
Programm vum Evenement
All d’Sujete vun de Sessioune mussen op der Plaz presentéiert ginn, fir de komplette Plang vum EduCamp kennen ze generéieren. Déi online Virukënnegung déngt nëmmen dem Interessi a bitt d’Méiglechkeet, Gemeinsamkeeten ervirzehiewen.
IWWERSIICHT VUN DE SESSIOUNEN
Eng Sessioun am Viraus ukënnegen
Zu wéi engem Theema géift Dir gären eng Sessioun um EduCamp hunn (ouni dës onbedéngt selwer mussen ze leeden)?
Dir kënnt gären e Sujet fir eng Sessioun am Viraus ukënnegen. Fëllt dofir de Padlet aus:
Eng Propositioun fir eng Sessioun muss follgend Informatiounen hunn:
- WIEN? E Saz iwwert d’Persoun, déi d’Sessioun proposéiert
- WAT? Wat ass de Sujet vun der Sessioun?
- WÉI? Ënnert wéi enger Form soll dës Sessioun stattfannen? (En Erfarungsaustausch? Eng Vermëttlung vu Wëssen? Eppes aneres?)
RAPPORTEN
Rapport vun de Sessiounen
Dir kënnt déi detailléiert Rapporte vun all Sessioun consultéieren an eroflueden, andeems Dir Iech op der Plattform aloggt. Äert Passwuert kritt dir wärend dem EduCamp.
D’Rapporte bidden eng Zesummefaassung vun den Diskussiounen a Conclusioune vun all Sessioun, déi et erméiglechen, och nom EduCamp nach Zougrëff op déi gesammelt Informatiounen ze hunn.
PRAKTESCH INFORMATIOUNEN
Institut national des langues Luxembourg
Den EduCamp gëtt vum Institut national des langues Luxembourg organiséiert. Mir si stolz drop, dës kollaborativ Formatioun unzebidden, fir zesummen d’Zukunft vun der Erwuessenebildung ze gestalten.
